Сутэрбит тапталым (Омук Уолун тыл., Р.Хон мат.)

Эн истиҥ мичээриҥ
Тыал буолан сипсийэр сиккиэрин
Ханна эрэ бараммын ситиэм дуо
Биир тылы эппитиҥ
Сиик буолан күрэнэ көппүтүн
Туманы тутаммын таайыам дуо
Эн истиҥ мичээриҥ
Мин куоппут эрэлим
Эн кэрэ мөссүөнүҥ
Сүтэрбит тапталым

П-в Сиик буолан сүппүтэ
Долгуҥҥа куоппута
Күрэнэ көппүтэ
Тумаҥҥа киирбитэ

2. Субурхай суhуоҕуҥ толбоно 
Долгуҥҥа куоппутун
Ытыспар түhэрэн ылыам дуо
Мөссүөнүҥ кэрэтэ
Сибэкки быыhыгар саспытын
Ол нарын намчыттан булуом дуо
Эн истиҥ мичээриҥ
Мин куоппут эрэлим 
Эн кэрэ мөссүөнүҥ
Сүтэрбит тапталым

3. Эн ырыаҥ тыллара
Ыраатан ой дуораан буолбутун
Мырааҥҥа тахсаммын истиэм дуо
Эн санааҥ кыымнара
Суhумнуур сулуска тиийбитин
Билэммин сирдэтиэм этэ дуо