Yрнә седкл ээҗд (prod.by Бад Чимидов)

Үрнә седкл ээҗд

Моһа сарин нәәмн
Мана ээҗин өдр.
Мөңк нас наслитә,
Мана җирһл угтытә.

Хаврин түрүн өдртнь
Халун нарн һарна,
Хамг мана ээҗнр
Хөвтә өдрән темдлнә.

Унтл - кеатл уга
Өлгәдән өсксн
Ач иктә ээҗ, таниһән,
Альк насндан мартхв?

Хаврин сарнь урһв,
Хамг шовуд җиргнә.
Хол һазрин кемҗәнд
Хәәртә ээҗм сангдна.

Асрад, өргәд сунһсн
Ач иктә ээҗ,
Әмнд - менд йовсув,
Ачитн эврән хәрүлнәв.

Күүкд улсин сән өдр
Кезәд чигнь делгртхә.
Көкүләд өсксн ээҗ, таниһән,
Келәд, кенләнь дүңцүлхв?

Экин седкл - үрнд,
Үрнә седкл - көдәд.
Өсҗ - сунҗ авсув,
Ээҗән бичкә мартсув.