Соңлама кил инде. Р. Янбулатова - сүз. Б. Гайсин - көе.

Ак чəчəк ата балан,
Күмелгəч гөлгə ялан.
Яшь йөрəк еш тибə,
Искəн җиллəр миңа:
«Сөйгəнең килə», - дисə.

Кил, кил, кил,
Кил, иркəм, мин көтəм,
Соңлама, кил инде,
Елмаеп көл инде,
Сагындым, бəгърем, сине.

Алып кил син, дускаем,
Сандугач тавышкаен,
Мəхəббəтнең сафын,
Энҗелəргə хасын,
Алып кил, аккошкаем.

Кил, кил, кил,
Кил, иркəм, мин көтəм,
Соңлама, кил инде,
Елмаеп көл инде,
Сагындым, бəгърем, сине.