Адаштым

Ашыгулар ялгышуга була,
Ашыгырга никтер яраттым.
Ашыгулар — урман,
Ялгышларым — буран,
Йөгерә-йөгерә кереп адаштым.

Ашыгулар үкенечкә була,
Юктыр минем сабыр канатым.
Үкенечләр — урман,
Ялгышларым-буран
Көлә-көлә кереп адаштым.

Ашыгулар шашынуга илтә,
Э мин сине шашып яраттым?!
Карашларың — урман,
Мэхэббэтен — буран,
Елый-елый кереп адаштым.

Карашларың — урман,
Мәхәббәтем — буран,
Елый-елый кереп адаштым...