Рухты ару

Жанға дауа, мөлдір таза суын іштім бұлақтың,
Адалдықты, адамдықты жүрегiммен ұнаттым,
Жеке дара шапқан оза жүйрік менің құмарым,
Әсем әнмен тәтті күй ғой шын өмірлік сыңарым!

Қайырмасы:
Арғымақтың шабысындай,
Тасқын судың ағасындай,
Бағы қайтпас, сағы сынбай
Қырандайын самғар мәңгілік рухым бар!

Баладаймын еркелеген желбіреткен тұлымын,
Жолдаспын мен бір бөліскен ыстығы мен суығын
Барына да жоғына да шыдай білген тектімін
Дауылдатып құйындатар әлі қатты екпінім!