Totus Floreo

Carmina Burana

179
 
Tempus est iocundum,    o virgines!
modo congaudete,    vos iuvenes!
o! o! totus floreo!

Iam amore virginali    totus ardeo;
novus, novus amor    est, quo pereo!
 
Cantat philomena    sic dulciter,
et modulans auditur;    † intus caleo.
o! o! totus floreo!

Iam amore virginali    totus ardeo;
novus, novus amor    est, quo pereo!
 

Flos est puellarum,    quam diligo,
et rosa rosarum,    qua caleo.
o! o! totus floreo!

Iam amore virginali    totus ardeo;
novus, novus amor    est, quo pereo!
 

Tua me confortat    promissio,
tua me deportat    negatio.
o! o! totus floreo!

Iam amore virginali    totus ardeo;
novus, novus amor    est, quo pereo!
 

Tua mecum ludit    virginitas,
tua me detrudit    simplicitas.
o! o! totus floreo!

Iam amore virginali    totus ardeo;
novus, novus amor    est, quo pereo!
 

Sile, philomena,    pro tempore!
surge, cantilena,    de pectore!
o! o! totus floreo!

Iam amore virginali    totus ardeo;
novus, novus amor    est, quo pereo!
 

Tempore brumali    vir patiens,
animo vernali    lasciviens,
o! o! totus floreo!

Iam amore virginali    totus ardeo;
novus, novus amor    est, quo pereo!
 

Veni, domicella,    [bad word] gaudio!
veni, veni, bella!    iam pereo!
o! o! totus floreo!

Iam amore virginali    totus ardeo;
novus, novus amor    est, quo pereo!

(с) [bad word] /www.hs-augsburg.de/~harsch/Chronologia/Lspost13/CarminaBurana/bur_cam6.html