"РӘХМӘТ СИҢА, БӘХЕТ КОШЫМ"

"РӘХМӘТ СИҢА, БӘХЕТ КОШЫМ"

Дамир Рафиков көе,
Фирая Зыятдинова сүз.

Җиргә аклык, пакълек өстәп
Ярый әле син тугансың.
Күңелемне сөю, бәхет,
Шатлык белән тутыргансың.

Кушымта:
Рәхмәт сиңа, бәхет кошым,
Бу дөньяга туган өчен.
Рәхмәт сиңа, күңелемә
Ал нур булып тулган өчен.

Син булганда яшәү миңа
Җиңелрәк моңсу җирдә.
Минем якты йолдызым бул,
Китмә, китмә күңелемнән.