Ajettih da tsiganaiset

TSIGANAIZET

   
          Itäkarjalainen kansanlaulu

 
 
1.Ajettih tsiganaizet
   jarmankast kodih, da kodih.
   Ajettih da azettutih
   juablukkapuun tyveh.
      Eh, gulaittsi, gulaittsi, gulaittsi
      brihaine tsomaine, tsomaine
      ruskiezissa paidazis
      da ylen oli hyväine.
 
2.Yksi tsigan ei ollu vessel,
   häi ei pajuo pajattanut,
   i tsiganoin igruloi
   ni nouse ei suvainnut.
      Eh, gulaittsi...jne.
 
3.Kavotti häin uulitsan,
   kavotti häin koin da rodnoin,
   kavottihäin nettsykän,
   kudamua suvaittsi.
      Eh, gulaittsi...jne.
 
4.Kusbo on se uulitsa?
   Kusbo on se koin da rodnoi?
   Kusbo on se neittsykkä,
   kudamua suvaittsi?
      Eh, gulaittsi...jne.
 
5.Vot löydi häin uulitsan,
   vot löydi häin koin da rodnoin,
   vot löydi häin neittsykän,
   kudamua suvaittsi.
      Eh, gulaittsi...jne.
 
6.Neittsyt sinä tsomaine,
   kudritukkaine, tukkaine,
   armas olet minulle,
   tule sinä minul mutsoikse.
      Eh, gulaittsi...jne.
 
7.Ajettih tsiganaizet,
   jarmankast kodih da kodih.
   Ajettih da elettih
   da svuadbone piettih.
      Eh, gulaittsi, gulaittsi, gulaittsi,
      puaraine tsomaine, tsomaine
      ruskiezissa paidazis
      da zulkkupaikkazis.