Муз. и сл. Махара Каракотова.

Муз. и сл. Махара Каракотова.

Той барады эшик аллында,
Келин киргенд джарыкъ арбазгъа.
Толу юйдегили болсунла!
Этген муратлары толсунла!

Тепсейдиле джашла бла къызла.
Олтуралла тёрледе къартла.
Тауусулалла алгъыш аякъла.
Ууалалла къурманлыкъ базукла...

Ойнагъыз, тепсегиз, кюлюгюз,
Къысхармасын сизни кюнюгюз.
Джарыкълай къалсын бу дуниягъыз!
Алгъышда айтылсын атыгъыз!

Туугъан джерим, джашагъан джерим,
Ата джуртум, ой, Къарачайым,
Къууанчларынг таусулмасынла,
Къыйынлыкъла кери къалсынла!

Бизни миллет кёбден кёб болсун!
Хар юйге да туудукъ къошулсун!
Ётген къыйынлыкъны сынамай,
Рахат джашасын джигит Къарачай!