Багълама(припев):

Багълама(припев):
Заман акъа, о беклемеген ташкъын дерья,
Къонъур сема сагъанакъ булутларны сая.
Заман акъа...

1 бейит:
Дешетли ве сувукъ къаранлыкъ ичине кирдик,
Языкъ, зульмет зиярет эте гъает сыкъ,
Бизни, сёндю сонъки сахте ышыкъ,
Сагълам сельби сында, сема исе къарышыкъ.

Мави олгъан кок шимди сия ве къонъур,
Корюнмей кунеш, бизни унуткъандыр нур.
Не олур, уфукъны къалдырды омюр,
Гуя комюр къара булутлар агъыр ве магърур.

Шуурына бармадыкъ: дегиль оюн айын,
Инсан аяты, къызгъанч факъат бунар ве сагъын,
Коклер ичюн топракъны аламыз сатын,
Ялан айткъанынъ сайын азатынъны азаттынъ.

Бошуна омюринъни сен этме сарф,
Бу кунюнъ кенъ олса, келеджегинъ олур тар.
Къара гедженъ кечер, эр шей дегиль бунар,
Ярыкъ укюм сюрер...

Багълама:
Заман акъа, о беклемеген ташкъын дерья,
Къонъур сема сагъанакъ булутларны сая.
Заман акъа...

2 бейит:
Козюнъни ач, нанкёрлигимиз арткъач,
Унерге, ведждангъа саип олгъан къалмаз ач.
Ярыкъны ред этмек - омюр ичюн ошекэ.
Бу кельмешек дуйгъу, бу муурьленген юрек.

Къувет адий шейлерде, догърулыкънынъ ёлу саде,
Амма тапылылса меначыкъ, о кедер эте.
Биз кечмешни унутамыз, бу дюньянынъ сучу.
Мени къаплай ачув, айт манъа, не ичюн.

Нафилеми, бинълердже инсан олды къурбан?
Нефилеми, сенинъ атанъ шеит олып яткъан?
Нафилеми, буны айткъан - артыкъ джанлы нишан?
Келир бахт ве шан, уфукъта атса тан!

Демек, бошуна омюринъни сен этме сарф,
Бу кунюнъ кенъ олса, келеджегинъ олур тар.
Къара гедже кечер, эр шей дегиль бунар,
Ярыкъ укюм сюрер...

Багълама:
Заман акъа, о беклемеген ташкъын дерья,
Къонъур сема сагъанакъ булутларны сая.
Заман акъа...

Бридж:
Коктен ягъмурны фуртуна хавфы эндирир,
Багъышла, эт афу кендини.
Якъынлаша заман бизге онынъ лютфу ярар,
Ярыкъ укюм, сонъра исе танъ атар.

Бошуна омюринъни сен этме сарф,
Бу кунюнъ кенъ олса, келеджегинъ олур тар.
Къара гедже кечер, эр шей дегиль бунар!
Ярыкъ укюм сюрер, сонъра исе танъ атар!