Йылы ҡояш нурҙарында

Йылы ҡояш нурҙарында
Бер сәскәләй ҡойонам,
Был донъяла һин булғанға 
Һөйгән йәрем ҡыуанам.
Ерҙең сағыу төҫкәйҙәрен
Бүләк итәм йөрәгем
Ел-дауылдан ҡурсалаусы
Әлдә һин бар терәгем!

Йөрәгем оса һинең яндарыңа,
Йөрәгем яна һинең ҡосағыңда.
Бәхетлемен мин тик һин уйҙарымда,
Бәхетлемен мин тик һин йырҙарымда!

Наҙлы елдәр шаярғылап
Иркәләй сәстәремде,
Һинең менән һәр минутым
Матурлай көндәремде.
Рәхмәт,  һинә һөйгән йәрем,
Юлыма гәуһәр һиптең.
Көндөҙ ҡояштың, төндэ айзың
Нурҙарын бүләк иттең.

Йөрәгем оса һинең яндарыңа,
Йөрәгем яна һинең ҡосағыңда.
Бәхетлемен мин тик һин уйҙарымда,
Бәхетлемен мин тик һин йырҙарымда!