Шолпандай жарқыраған таң алдында

Шолпандай жарқыраған таң алдында
Жан ерке саған теңеу таба алдым ба
Ажарың алтын айдың таң шапағы
Құрбым-ау күн көзінен жаралдың ба?

Өзің, сәулем, іздегенім
Кездесуге жүз келемін
Сөйлесуге тіл жетпейді
Қиын екен қыз дегенің

Қараудан ақ жүзіңе зерікпедім
Апыр-ау неткен өзің көрікті едің
Достар-ау айтыңдаршы шындарыңды
Өмірде осындай қыз көріп пе едің?

Өзің, сәулем, іздегенім
Кездесуге жүз келемін
Сөйлесуге тіл жетпейді
Қиын екен қыз дегенің

Өзіңе осы әнімді арнадым да
Алдыңа талай рет бармадым ба?
Жас жаным күтеді әлі үміт таңын
Қолымды жеткіз сәулем арманыма

Өзің, сәулем, іздегенім
Кездесуге жүз келемін
Сөйлесуге тіл жетпейді
Қиын екен қыз дегенің