Кайчан гына очрашырбыз

Якты кояш, кояш сине күрә,
Чәчләреңне назлый җилләр генә.
Кояш, җилләр юл күрсәтеп,
Очраштырмый нигә,нигә?..

Кайчан гына очрашырбыз?
Онытыр идем сагышымны.
Күкрәгемә кочып, елый-елый,
Тыңлар идем синең тавышыңны,
Синең назлы тавышыңны...

Кергән язлар,язлар китеп барды,
Синсез генә керәм инде көзгә.
Ялгызлыкның газаплары
Үзәгемне минем өзә, өзә.

Көннәр генә,көннәр сине белә,
Нурлы йөзләреңне көн дә күрә.
Эзләп тапсам ал таңнардан,
Уятырмын назлап үбә-үбә...