Муз. и сл. народные.

Муз. и сл. народные.

Гапалаула эки элле, бир болду,
Джарлы балам дуниядан тас болду,
Ой, анасындан джигит туугъан Гапалау!

Ыстауатда толу къазан къайнайды,
Сени юсюнгде тогъуз къазыкъ ойнайды,
Ой, анасындан джигит туугъан Гапалау!..

Къанынг барад къырдыкъланы мор этиб,
Ижалары ёлтюрдюле зор этиб,
Ой, анасындан джигит туугъан Гапалау!

Гапалауну ёлтюрдюле, сойдула,
Джаш къатынын ау тюбюнде къойдула,
Ой, анасындан джигит туугъан Гапалау!

Джалчыларынг малларынгы сюрелле,
Ижалары сени ызынгдан кюлелле,
Ой, анасындан джигит туугъан Гапалау!