Авыл башында бер тал бар иде

Авыл башында бер тал бар иде, 
Алга сөялгән сөйгән яр иде.
Мин кайтып киләм алар юк инде
Исә бары тик сагыш-зар җиле.

Кайда син талым, кайда син ярым,
Мин бу мин сары яфрагың
Кайттым әйләнеп, чирәмгә яттым – 
Нишлим соң, нишлим, соңладым.

Таллар сагышы, сулар агышы,
Шуңа охшаган кеше язмышы.
Чишмәдән башлый, диңгезгә ургый
Давыллап ала һәм кисәк туктый.

Кайда син талым, кайда син ярым,
Мин бу мин сары яфрагың
Кайттым әйләнеп, чирәмгә яттым – 
Нишлим соң, нишлим, соңладым.

Кайда син талым, кайда син ярым,
Мин бит сары яфрагың
Кайттым әйләнеп, чирәмгә яттым – 
Нишлим соң, нишлим, соңладым.

Кайда син талым, кайда син ярым,
Мин бу мин сары яфрагың
Кайттым әйләнеп, чирәмгә яттым – 
Нишлим соң, нишлим, соңладым.