Музыка и стихи Сапара Узденова.

Музыка и стихи Сапара Узденова.

Дуниягъа сени сорама,
Алгъынлай санга къурманма,
Разылыкъ излейме антыма.
Ингирлени кёб сакълатма,
Кюндюзде да ашыгъама,
Ой, бир джет бери сен къатыма.

Припев:
Сен менден джукъну аяма,
Кесинги да сен къызгъанма, чыртдан да.
Джашлыгъымы къалтыратма,
Джашаугъа тюрлю къаратма, чыртдан да.
Алайсыз да, мен арыбма,
Хар неден да мен къаныбма:
Джанымы къыйнама, джаным, сен.

Мен сени тюшде кёргенлей,
Эсиме насыб юркгенлей,
Нюр джарыкъ урады джаныма.
Секириб ёрге тургъанлай,
Эсиме бери джыйгъанлай,
- Нек уятдынг – дейме, тангыма.

Припев.

Ишими мени джарсытма,
Сансызлыкъ бла бек ачытма,
Юркютюб къыйнама керексиз.
Этмезими къой этдирме,
Мийикден былай джекирме,
Эсни джый болгъунчу мен эссиз.

Припев.