Торып бас!

Кул селтәсә якын дусларың:
"Ул егылды, тормас", - диеп.
Шатлансалар дошманнарың:
"Булмас!", - диеп.
Өметен өзсә туганнарың:
"Ул безнеке түгел!", - диеп.
Сөйгән кешең китсә:
"Ул таш күңел!", - диеп.

Бар көчеңне җыеп торып бас -
Бер егылып торган егылмас.
Алга атла:
Бер генә килми җиргә яз.

Юлларда егылулар җиңел,
Авыр кире торулары.
Тайгак юлдан
Туры атлап барулары.
Кул селтәгән дуслар дус түгел,
Ташлап киткән ярлар - чит яр.
Бер егылгач,
Тора алсаң өметең бар.

Бар көчеңне җыеп торып бас -
Бер егылып торган егылмас.
Алга атла:
Бер генә килми җиргә яз.