Син, син, син

Син, син, син,
Син - минем тормышым.
Аткан ал таңым син.
Син, син, син,
Сулаган сулышым,
Яшәгән җаным син.

Сиңа мин инде -
Язмышың, өлешең.
Кайларга китсәң дә
Мин - синең йөрәк тибешең.

Син, син, син,
Бер юлдан бергәләп
Атларга тиеш без.
Син, син, син,
Адымнар ялгышмыйк.
Абынмыйк, юл тигез.

Сиңа мин инде -
Язмышың, өлешең.
Кайларга китсәң дә
Мин - синең йөрәк тибешең.

Син, син, син,
Яши алмабыз бит
Мин синсез, син минсез.
Син, син, син,
Сузыйк тормыш җебен
Төерсез, өзексез.

Сиңа мин инде -
Язмышың, өлешең.
Кайларга китсәң дә
Мин - синең йөрәк тибешең.