Күпме көннәр син бу юлда

Күпме көннәр син бу юлда, 
Күпме илләр калды артта,
Күпме төннәр син берүзең.
Кара урман аша үттең,
Көмеш елгаларны кичтең,
Бирсен тәңрем сиңа түзем.

Югалган мәхәббәтне эзләгәндә
Аңларсың сөюнең кадерен,
Табарсыңмы,тапмассыңмы –
Барысы синең кулда,
Юлчы булсын юлда.

Тәрәзәләр сине төнлә
Эндәштеләр якты утка,
Ләкин хаман юл чакыра.
Хәерле юл телим сиңа
Һәм артыңнан карап калам,
Ерагая безнең ара.

Югалган мәхәббәтне эзләгәндә
Аңларсың сөюнең кадерен,
Табарсыңмы,тапмассыңмы –
Барысы синең кулда,
Юлчы булсын юлда.