Aytır da cılarman (köç yırı)

[bad word] ctmusic

Deñizden çıqqan bir bulut, ey yar,
Kezlevge de cavğan,
Aytır da, cılarman.
Qırımnıñ halqı musulman, ey yar,
Qarşığa da avğan,
Aytır da, cılarman, aman, aman,
Aytır da, cılarman.

Tögerek çeti qamıştan, ey yar,
Töbesi da taldan,
Aytır da, cılarman.
Kimisi candan ayırılğan, ey yar,
Kimisi de maldan.
Aytır da, cılarman. aman, aman, 
Aytır da, cılarman.

İstanbul, Kâbe qıblada, ey yar,
Deñizi de - sırtta,
Aytır da, cılarman. 
Kop ölümiz qalacaq, ey yar, 
Qarabe de curtta.
Aytır da, cılarman, aman, aman,
Aytır da, cılarman.

Aylanıp çıqtı gür gemi, ey yar, 
Kök burundan, aytır da, cılarman.
Köterilgen qısmetimiz, ey yar, 
Şu Qırımdan,
Aytır da, cılarman, aman, aman, 
Aytır da, cılarman [bad word] ctmusic