Gizli məhəbbətin təngə gətirib

Gizli məhəbbətin təngə gətirib
Səbrimi son həddə artıq yetirib
Niyyətini bildir, çəkinmədən gəl
Etiraf etmək üçün cəsarətə gəl

Romantik mesajlar yazırsan mənə
Qərara gəlmişəm şans verim sənə
Hərdən rastlaşırıq, susursan nədən?
Gözlərin danışır özün bilmədən

Yoxluğun mənə kədər bəxş edərsə
Varlığın şirin yalan vəd edərsə
Ümidin əlimi üzəcək əhdindən
Səadət bitən nağıla dönərsə
Məhəbbət üfüqdən qürbə enərsə
Könlüm səndən deyil küsəcək bəxtindən