Нартланы жыйылыулары ( Омар Отаров )

Схуртук элден чыгъып барабыз,
Ойра орира ой!
Нарт Ёрюзмек а алыбыздады,
Ойра орира ой!

Аны жюреги къаныбыздады,
Ойра орира ой!
Аны ёхтемлиги барыбыздады,
Ойра орира ой!

Къарлы таулагъа биз терк жетербиз,
Ойра орира ой!
Доммайла къырып биз келтирликбиз,
Ойра орира ой!

Уллу къобандан биз терк ётербиз,
Ойра орира ой!
Къара Ногъайда чариш этербиз,
Ойра орира ой!

Нарт атла жерни титиретелле,
Ойра орира ой!
Жулдузлу кёкге учуп кетелле,
Ойра орира ой!

Элия къанаты башыбыздады,
Ойра орира ой!
Нарт жолубузну ол жарытады,
Ойра орира ой!

Сарыуек сууну бойнун сакълайды,
Ойра орира ой!
Нарт эллерине тамчы таммайды,
Ойра орира ой!

Къуугъун къазауат ма деу боллукъду,
Ойра орира ой!
Суу ызла саулай къандан толлукъду,
Ойра орира ой!

Нарт садакълары кюбе тешелле,
Ойра орира ой!
Нарт сырпынлары гелеу кеселле,
Ойра орира ой!

Нарт къалаларыбыз ёхтем туралла,
Ойра орира ой!
Нарт эллилени жаудан сакълайла,
Ойра орира ой!

Доммай уунда солуу болмайды,
Ойра орира ой!
Доммай уунда атынг тоймайды,
Ойра орира ой!

Элия болсун бизге жол берлик,
Ойра орира ой!
Къара къаргъа уа бизге кюч берлик,
Ойра орира ой!

Къолан туякъгъа жер чыдамайды,
Ойра орира ой!
Къолан туягъы жерге батмайды,
Ойра орира ой!

Гемуда атланса жер титирейди,
Ойра орира ой!
Минги Тауундан бузла тюшеди,
Ойра орира ой!

Чууана сыртында садакъ атарбыз,
Ойра орира ой!
Итил бойнунда боза тартырбыз,
Ойра орира ой!