Imperator Catilina (Hasta Siempre, Comandante)

Quibus es abditus locis,
Lumen repente fuscatum,
Qui reliqueris senatum
Iussu consulis ferocis,

Firmus tam manu quam mente,
Ebrius bello et nece?
Resonabat domus Lecae
Te rebelles admonente.

At nos libabimus vina,
Tuum genium colentes:
En, duc Quirites praesentes
Imperator Catilina!

Zephyrus sicut Aprili 
Lintea inflat triremis,
Ita furis, ita fremis
In discordia civili.

Dic age, qou usque tandem
Flebimus aspera fati?
Quin consurgimus parati
Ad tumultum suscitandum?

At nos libabimus vina,
Tuum genium colentes:
En, duc Quirites praesentes
Imperator Catilina!

Sicas strigamus, ut ante,
gloria pristina digni!
Destinemus Romam igni
Catilina commendante!

At nos libabimus vina,
Tuum genium colentes:
En, duc Quirites praesentes
Imperator Catilina!

(Перевод на латынь В. В. Зельченко)