Талларым

Талларым

 Кырларымда, болын, күлләремдә,
 Калмадым шул, нигә калмадым?!
 Кайткан саен, үпкәләгән кебек,
 Боек тора моңсу талларым.

 Талларым, талларым, талларым,
 Сезгә тагын бер кайтыр идем,
 Талларым, талларым, талларым,
 Сезне тагын бер күрер идем!

 Диңгез-таулар аша, чорлар аша,
 Йөрәгемне сезгә ялгадым.
 Кичерегез мине, еракларга
 Ташлап киткән өчен, талларым.

 Талларым, талларым, талларым,
 Сезгә тагын бер кайтыр идем,
 Талларым, талларым, талларым,
 Сезне тагын бер күрер идем!