Әсәйем ҡосағы (Эльвира Хәмәтнурова муз. - Сурағол һүҙ.)

Мең-мең йондоҙ, мең-мең ҡояш әсәйем ҡосағында
Күпме нур һәм йылылыҡ бар әсәйем усағында.
Әсәйемдең ҡосағы - изгелектәр усағы,
Балам, тиеп, наҙлап-һөйөп, ярат, ярат һин тағы.

Меңләгән ҡайғы-хәсрәтте юғалта белә әсәй,
Изге, яҡты теләктәрҙе көнгә мең тапҡыр теләй.
Әсәйемден ҡосағы - изгелектәр усағы,
Балам, тиеп, наҙлап-һөйөп, ярат, ярат һин тағы.

Әсәйемдең ҡосағында ап-аҡ гөлдәр үҫкәндәр,
Аҡ күңеле билгеләре сәстәренә күскәндәр.
Әсәйемдең ҡосағы - изгелектәр усағы,
Балам, тиеп, наҙлап-һөйөп, ярат, ярат һин тағы.