Гитара

Гитара

Сәйяр Хәбибуллин көе
Гөлшат Зәйнәшева сүзләре

Егет:
Бөдрә чәчең тараладыр,
Таратып караган юк.
Нинди була ул мәхәббәт —
Яратып караган юк.

Кыз:
Аклы күлмәк кигән идем,
Итәкләре киң икән.
Сандугач сандугачка тиң,
Ә мин кемгә тиң икән?

Бергә:
Әй гитара, әй гитара,
Чынлап тора кыллары?
Гитара уйный бер егет —
Бар микән сөйгән яры.

Кыз:
Ярым юк иде, яр таптым,
Сине таптым, пар таптым.
Бер күрүдә гашыйк булдым,
Бер күрүдә яраттым.

Егет:
Аклы күлмәк кигәнсең дә,
Итәкләре киң икән.
Сандугач сандугачка тиң,
Ә син миңа тиң икән.

Бергә:
Әй гитара, әй гитара,
Кыллары җиде генә.
Җиде чибәр арасыннан
Сайладым сине генә.