Музыка Марата Кочкарова, стихи Зуфара Сарбашева.

Музыка Марата Кочкарова, стихи Зуфара Сарбашева.

Мен сенден кенгде къалгъанма, анам,
Алай болур эд джазыум.
Ахыр письмома къалай сыйынсын -
Сангады джюрек джарсыум.

Бетинге къараб, мен ант этгенем
Душманнга къаджау тюберге,
Сауутум къолдан тюшмейди джерге,
Барса да аджал биргеме.

Юйде джангызлай къалгъан анала
Кёбдюле бизни элледе.
Сен от этмейин, къалма орамда,
Сау къайтханлагъа термиле.

Юй мюйюшюнде джангыз олтуруб,
Джылама, мени эскере.
Ата джурт ючюн кёбле ёлелле,
Ана табылмайд аскерде.

Мен тюзлюк ючюн джан аямадым,
«Намыслы ёлген джашым», - де.
Уллу хорламны байрагъын алыб,
Тенглерим барырла элге.