Яшәргә көч биреп яшисең

Яшәргә көч биреп яшисең

Сөймәгән ярларны пар итмә,
Беркем дә кералмас арага,
Авырлык килсә дә бүләрбез,
Дошманнар тоз сипсә дә ярага.

Син минем йөрәгем түрендә,
Тормышым маягы син генә.
Яшәүгә көч биреп яшисең
Бары тик син генә, син генә.

Яшикче назланып гөлләрдәй,
Ятларны арага кертмичә.
Безгә бит яшисе бар әле,
Бәхетне ятларга бирмичә.

Сөй әле син мине, сөйгәнем,
Көнләшсен һавада йолдызлар,
Без икәү булганда бәхетле,
Бәхеттә яшәрбез күп еллар.