Новыя твары новыя людзі

Новыя твары новыя людзі
 Божа куды я папаў!
 Я ўжо няведаю што заўтра будзе
 Бо штосьці сягоння чакаў. 
 Новыя словы новыя рэчы
 Новае смецце і бруд
 Хоць і ня хочу ўчарашняй галечы
 А што будзе заўтра вось тут!

 Сонца і вецер б'е мне па твары
 Сёння і заўтра, дзе я?
 Добрыя вочы і цёмныя хмары
 Гэта Радзіма мая! 

 Новыя словы новыя песні
 Вера ў кагосьці яшчэ
 Што ты тут зробіш ты нават трэсні
 А вада пад камень не цячэ. 
 Новае шчасце новае гора
 Будзе, альбо ўжо было
 Ці можа заўтра будзе як учора
 Хто там уключыць сьвятло!

 Сонца і вецер б'е мне па твары
 Сёння і заўтра, дзе я?
 Добрыя вочы і цёмныя хмары
 Гэта Радзіма мая!