Музыка Омара Отарова, стихи Ибрагима Маммеева.

Музыка Омара Отарова, стихи Ибрагима Маммеева.

Келин алыб келебиз, джол беригиз, ой, орайда!
Эй, бек ариуун сайлагъанбыз, ма керюгюз.!

Къолан кийзле джайыгъыз джолубузгъа.,
Эй! Алгъыш аякъ тутдуругъуз къолубузгъа!

Келин келед, юйге киред, джол къойугъуз!
Эй, той этигиз, къонакълагъа къой сойюгъуз!

Къууанч келед,эшиклени кенг ачыгъыз!
Эй! Юйню тюбюне арпа, будай чачыгъыз!

Алыб келебиз сизге кегюрчюнчюкню,
Эй! Он бармагъындан бал тамгъан келинчикни!

Насыбха эшик ачыгъыз, джол къоюгъуз!
Эй! Огъурлу кюнде этилсин бу тоюгъуз!

Огъурлу болсун келинни аякъ ызы!
Эй! Кеб болсунла аны табхан джашы, къызы!

Хар замнда ачыкъ болсун кезю, къашы!
Эй, берекетли болсун къолу, этген ашы!

Насыбдан толтурсун сизни келинигиз!
Эй, аны бла махтансын саулай элигиз!

Сюйгенлеригиз бютюнда бек сюерча,
Эй, сюймегенле ачыудан тобукъ тюерча.

Зауукълу джашагъыз келинигиз бла!
Эй, биз кеб алгъыш этебиз келюбюз бла.

Насыбха эшик ачыгъыз , джол къоюгъуз!
Эй, огуърлу кюнде этилсин бу тоюгъуз!