Пар аккошлар

Пар аккошлар

Р. Аймәт сүзләре
О.Усманов көе

Пар аккошлар йөзә моңсу гына -
Таң шәүләсе төшкән тын күлгә.
Пар аккошлар күргән саен, иркәм
Син керәсең минем күңелгә…

Пар аккошлар йөзә, үзәкләрне өзә
Искә төшеп бергә чакларым.
Ялгыз аккош сыман сине гел юксынам
Син кайларда икән тиң ярым.

Әллә нигә, иркәм, була алмадык
Аккошлардай тугры гашыйклар.
Синнән башка мине җил-давылдан
Канат җәеп кем соң ышыклар.

Каерылып карыйм зәңгәр күккә
Ак болыттай эри шикләрем.
Бездә, иркәм, парлап очарбыз бит
Нурга күмеп бәхет күкләрен!