Соьлжа-Г1ала

ГIаларчу бешара схьахеза эшараш,
Масачу жималлийн зевне аьзнаш.. 
Дахаро чIагI йина марзонаш-уьйранаш,
кегийчу дегнийн безаман мукъамаш.. 

Соьлжа-ГIала - азалехь дуьйна къонахийн ага.. 
хьайха яла соьга ахь цкъа а ма ала.. 
Соьлжа-ГIала, хьо сан деган дакъа,
Ехийла маьрша хьо, Соьлжа-ГIала.. 

Кочачу сеттарша хаздина Соьлжа,
Эсала шерша г1алийна йукъеша..
Дитташа хьоьстучу цу хина йистоша, 
маршалла хоьтту тайначу шабаршца.. 

Вай дайша кхийлина оьзда г1иллакхаш..
Сирлачу имане кхойкху маьждигаш..
Къинхьегаман беркато къагийна некъаш,
Соьлжа ГIаларчу туьйранийн куьцанаш..