УЛААЛЗАЙ

УЛААЛЗАЙ
үг. Жан Зиминэй, хүг. Н. Нар-Оюугай

Уб улаахан улаалзай —
Уужам талын ялаалзай.
Улаабхилан ургана,
Угаа халуун болгоно.

Дабталга:
“Наашаа!» гэжэ найгалзаа,
«Дүтэлыш!» — гэжэ дүнхэлзөө.
Нарин уян бэетэй,
Улаа ягаан шарайтай.

Аадар, ерэжэ адхарыш,
Унтараагыш дүлыень,
Бороо, ерэжэ орышта,
Болюулыш даа галыень.

Дабталга.

Уб улаахан улаалзай —
Уужам талын ялаалзай.
Улаабхилан ургана,
Угаа халуун болгоно.

Дабталга.