Далаhа устун уҥуор

Мин олохпун көрөбүн атын киhи хараҕынан,
Быстах ардаҕынан сүтүөм самыыр аастаҕына.
Мин чугас дьонум олоҕум суолугар суолтата суохтар,
Арай туймаардар эн уhун суhуохтарыҥ
Ол аата туохпун биэрэн туран уҥуор туоруубун
Далаhам алыhын намыhаан эрэр, быыhааҥ
Мин эмиэ баҕарабын ардаҕы кытары уостуохпун,
Миигин көрдөөмөҥ мин ханна да суохпун
Күүспүн-уохпун олохпун тохтоппот туhугар бараатым,
Ол кэннэ саатар эрэ аатырдын мин аатым.
Ханнаный мин көстүбэт кистэммит дьолум?
Чопчу ыйан биэриҥ ол кэннэ сиэриҥ
Онуоха диэри сир ийэм ыйан кулууй
Мин дойдубун, көмөлөс миэхэ,
Барсыый эн далаhа устун уҥуор, атын кытылга.
Манна куттал, баттал, олох кылгас, сымыйа,
Аал алгыс, атын таптал, барыта таах сибиэ
Антах арыый да атын,
Сатаан санаабаппын олох ордук хартыынатын,
Турдун маннык барыта, кытылтан биир кытылга.
Олох кылгас, оннооҕор уон сэттэ сылга,
Барытын эн кубулуттун быылга.

 Миигиттэн кэлэйэн тэйэн эрэллэр, охтуом суоҕа, 
Санаам сатаммат суолугар самныам суоҕа.
Миигин сөп суолбуттан өлүү тохтотуоҕа,
Баар эрэ буоллун ыллыыр ырыам уостубат уоҕа.
Охтуом суоҕа, самныам суоҕа, тохтотуоҕа,
Баар эрэ буоллун ыллыыр ырыам уостубат уоҕа.

Далаhа устун уҥуор туоруур суол бу баар эбит,
Дьылҕам ыйан биир ый буолан хаhан эмит.
Хаhан эмит тиксиэм ол кытылга, тутуом тылбын,
Суох буоллун мин суолбар суорар албын.
Талба талааммын талбыт-айбыт айыым бырастыы,
Сатаан таптаабаппын сүрэхпинэн аҥардастыы,
Элбэх алҕас быhыым мин сиэрим, мин сыыстарыым.
Сатаан мин сиппэтим эккирэппит алҕастарбын.
Тиийиэм дуо, өйдүөм дуо, ама умнуом дуо
Хаалларбыт Хампа кытылбын ардах сотуо.
Кини эмискэ уостуо суоҕа, өрөhүйэ сатыа
Күнтэн күн аастаҕын аайы төттөрү ыксатыа.
Барсыам суоҕа, сүрэҕим билэр тоҕотун,
Эhиги билбэккит хайдах курдук ыараханын
Соҕотоҕун хаалар, хаарыйар санаалар,
Күhүн кэннэ хаар, ким тапталын атаарар.
Онтукам баранар, ханна аны күрэниэй?
Арай аттыбар хаалла хаарыан күөрэгэй,
Yөрүү үксүүр, чуумпу дьол кэс тылын эттэ,
Бүтэhик буолбатах ини, мин бу уон сэттэ...
Итэҕэйимэҥ миэхэ, эрэнимэҥ
Мин оннук киhи буолбатахпын,
Эн мин харахпын саптыҥ
Аны иннин диэки кимниин хардыылыыбын?
Кимниин олохпун мин салгыыбын?
Таптыыбын диигин даҕаны...

Миигиттэн кэлэйэн тэйэллэригэр үөрэнним,
Бэйэм эрэнэр дьонум ахсааннара аны аччаата.
Бачча элбэх тылы этэн баран сатаан санаабын эппэтим,
Ол аата мин тылым сымсата суох эбит.
Биир эмит киhи миигин өйдөөн илиитин уунуо дуо?
Ыарахан түгэҥҥэ миигин кытта тэҥҥэ-этэҥҥэ
Олох устун бииргэ, биир киhи кэриэтэ?
Саарбахтыыбын, ити мин сүрэҕим эппиэтэ.