Vento povas porti foliojn

Vento povas porti foliojn,
birdojn ĉe aŭroro,
vortojn de mia kanto.
La batojn de mia koro.

Miajn pensojn. Gardeme.
Por neniom perdi dumvoje.
Por resonu via koro treme
kaj la kap' turniĝu ekĝoje.

Vento povas ankaŭ karesi
viajn harojn, vian vizaĝon.
Mi per vento povas adresi
al amata mia mesaĝon.

Mi per ventaj flugiloj leĝeraj
povas vojon senfinan pasi.
Kaj en manoj viaj teneraj
povas mian ventemon lasi.