название:
автор:
Песня о том, как в горах родилась песня
автор:
Магомед-тамир Синдиков
рейтинг: ★★★★★ / 5.1 / 1130 просмотров
- Текст
- Открытка с текстом
Вукlун вуго цо мискин Цо цlцlеялъул бетlергьан Цо гъветlалъул ахихъан Цо ханжар-ярагъ бугев. Талихl къосарав гьасул Цохlо талихl букlана - Цо ракlалъе йокьарай Яс щвезе бугеб мурад Хьулхьулдулев тана вас Ясалъ кlиго лъагlелалъ, Лъабабилелъ кьибилалъ Кьуна гьай цойгидасе. Цойгидав бечедасе, Чахъаби гlемерасе, Гlарцол чванта цlурасе, Гlи-боцlцlи гlемерасе. Хасел ана, ихх щвана, Ихх ана, рии щвана. Тlегьачlо васасул гъетl - Даим тана роххелалъ. Гlищкъу ккаралъ гуро къвал, Къварилъиялъ жемана. Ццин бахъарав мискинас Къватlиб бахъана ханжар, Ккуна лъарги ккун дегlен, Къотlана цо бугеб гъветl. Гьетl-гьетlараб гъветlалъул Къотlун пандур гьабуна. Гьелда дагlнил бакьалъул Бахъун кlиго чlва бана Чlваялда килищ кlутlун Агьан хlухьел вугьана, Амман дир къисматилан Къваридаб кечl ахlана. Гьедин бижун рагlула Тlоццебе магlарухъ кечl.
А как ты думаешь, о чем песня "Песня о том, как в горах родилась песня" ?