Г1ийла ойла

Ара яьлла хьо га тахана сатесна,
Суна го д1а хеза тамехь дека аз,
Болу безам хьоьга бахна везар сан,
Са дац тоха, х1у де ас сай безамна.
Болу безам хьоьга бахна везар сан,
Са дац тоха, х1у де ас сай безамна. 

Г1ийла ойлакоьрте хьийза,
Сийна ц1арахь догу дог,
Дукха ду сан хьоьга дийца,
Кийра буьзна 1аь1на чохь.
 
Хьалха санна хьайха тешош дийцахьа,
Хьай б1аьрге к1оргене хьежа йига д1а,
Безам бацахь мел лелачохь соьга хьан,
Реза ю со бехьа соьх шийла ша.
Безам бацахь мел лелачохь соьга хьан,
Реза ю со бехьа соьх шийла ша.

Г1ийла ойлакоьрте хьийза,
Сийна ц1арахь догу дог,
Дукха ду сан хьоьга дийца,
Кийра буьзна 1аь1на чохь.
 
Вог1уш воьдуш хьоьга къейлах хьоьжур ю,
Хьо вехачу хазчу юьрта йог1ур ю,
Сан дагах хьо жимма кхеташ хилахьа,
Шен йовхо хьо цхьанна лур ю боху цо.
Сан дагах хьо жимма кхеташ хилахьа,
Шен йовхо хьо цхьанна лур ю боху цо.
 
Г1ийла ойлакоьрте хьийза,
Сийна ц1арахь догу дог,
Дукха ду сан хьоьга дийца,
Кийра буьзна 1аь1на чохь.

Ара яьлла хьо га тахана сатесна,
Суна го д1а хеза тамехь дека аз,
Доккха-жима дог ас хьуна деана схьа,
Цо белхочу безаме ахь ладог1а.
Доккха-жима дог ас хьуна деана схьа,
Цо белхочу безаме ахь ладог1а.

Г1ийла ойлакоьрте хьийза,
Сийна ц1арахь догу дог,
Дукха ду сан хьоьга дийца,
Кийра буьзна 1аь1на чохь.