Anna šie, Ahti, šuuri hauki

Anna šie, Ahti, šuuri hauki
eli kaksi pienempäistä.
Annan šuolet šoutajilla,
piän peränpitelijällä.
Keški - murun keittäjällä,
šappi – ilmain istujalla.
Kouhkot - koivun nousijalla,
maksat – mualta kaččojalla.
Häntä - jouhet joutavilla,
häntä - jouhet joutavilla.
Ota onki, niele niekla,
koppua kovera rautani.
Miun on simani siliempi,
miun on maimani makiempi.
Muijen siimat pahat siimat,
muijen maimat pahat maimat.

Записали В.Я. Евсеев, Ю.М. Зарицкий, 1952 год.