Нарт Орзэмэджрэ Сэтэнаерэ язэфэус

- Ор къыздак1уи, Сэтэнай, риращи, орэда,
- Сыбдэк1отэп, Орзэмэдж, риращи, орэд,
- Ау умы1о, Сэтэнай, риращи, орэда,
- Сыд силажьи, Сэтэнай? риращи, орэд,
- Сыкъыоплъым уш1уц1э дэд, риращи, орэда,
- Сызэплъыжьыми сыфыжьы дэд, риращи, орэд,
- Тау хъумэ сыбдэк1он? риращи орэда.
- Ау умы1о, Сэтэнай, риращи орэд,
Тимэлымэ фыжь ахэт, риращи орэда,
Фыжьэу ахэтыми ш1уц1э къелъф, риращи орэд,
Ш1уц1эу ахэтыми фыжьи къелъф, риращи орэда,
Ор къыздак1уи, Сэтэнай, риращи орэд,
- Сыбдэк1отэп, Орзэмэдж, риращи орэда,
- Ау умы1о, Сэтэнай, риращи орэд,
- Сыд силажьи, Сэтэнай?, риращи орэд,
- Уипэ1ожъи шъхьалыпхъэнк1, риращи орэда,
Уицыежъри к1эблэ-патхъ, риращи орэд,
Псыцушъо ныкъори уицокъапхъ, риращи орэда,
- Ау умы1о, Сэтэнай, риращи орэд,
Айми мэзым сархэк1ошъ, риращи орэда,
Ор къыздак1уи, Сэтэнай, риращи орэд.
- Сыбдэк1отэп, Орзэмэдж, риращи орэда,
- Ау умы1о, Сэтэнай, риращи орэд,
Уишъхьацыри бырыбэу, риращи орэда,
Уибыдзит1ури тэмаоу, риращи орэд,
Къохъо шъузэу уязгъэхьын, риращи орэда,
- Сябгъэхьынэп, Орзэмэдж - риращи орэд,
Орзэмэджри ра къэк1ожьи, риращи орэда,
Нэчахьыщым ет1ысхьэжь, риращи орэд,
Орзэмэджри ра ис, риращи орэда,
Нарт елъфыри зэфэси, риращи орэд,
Орзэмэджыри къыращи, риращи орэда,
Ишъхьак1ори къырагъа1уи, риращи орэд,
- Хэт, хэт?- къыза1ом, риращи орэда,
- Ерыгуанэу пэ1ешху, - а1уагъ, риращи орэд,
- Лъэхъу-лъэушъэу шъулъынэс, риращи орэда,
Елбэтэуи къэжъугъэс, - риращи орэд,
Лъэхъу-лъэушъэу лъынэсыхи, риращи орэда,
- Ергуанэу пэ1ешху,- а1уагь, риращи орэд,
Нарт елъфи зэ1ук1агъ, риращи орэда,
Нарт елъфи къыуадж, риращи орэд,
- Сишмэ япчъагъэр шъуш1рэп, - риращи орэда,
- Мышхъо-мышхъоу пш1ык1уй, риращи орэд,
К1э зэндэжъэу пш1ык1убгъу, риращи орэда,
Уишмэ япчъагъэр джары, риращи орэд,
Ергуанэу пэ1ешхор риращи орэда,
Къохъуанэжъым къешэси, риращи орэд,
- Фыгу щыуанищымрэ, риращи орэда,
Къонэкулъы шъиимрэ, риращи орэд,
Сифыгук1эпапк1, - ы1уи, риращи орэда,
Ергонэжъыр къынэсыгь. риращи орэд,
Нарт елъфи зэфищэси, риращи орэда,
Орзэмэджи ра къахищи, риращи орэд,
Ишъхьак1ори къыригъа1у, риращи орэда,
Ергонзжъи ра ежьи, риращи орэд,
Нарт елъфи ра лъежьи, риращи орэда,
Сэтэнай-гуащэмди нэси, риращи орэд,
Щагъындакъи 1уаут, риращи орэда,
Абрэмыжъуи 1уагъэчъ, риращи орэд,
Сэтэнай-гуащэр къыдапхъот, риращи орэда,
Ышъхьэцыри бырыбэу, риращи орэд,
Ибыдзит1ури тэмаоу, риращи орэда,
Сэтэнае-гуащэр ра къахь, риращи орэд,
- Орзэмэджэу, дышъэ шыу, риращи орэда,
Къохъо шъузэу сямыгъэхь, риращи орэд,
Орзэмэджэу, дышъэ па1у, риращи орэда,
Къохъо шъузэу сямыгъэхь ! риращи орэд,
Сэтэнай-гуащэр къынахьыси, риращи орэда,
Къохъуанэжъыри зэгуаути, риращи орэд,
- Нарт елъф, шъуинысэ ихъяр шъолъэгъу, риращи орэда,
Шъхьак1о си1эу сэк1ожь, - ы1уи, риращи орэда,
Ергонэжъыр еушъыжьыгъ, риращи орэд.