Мин барлығын - һин белмәнең, һин барлығын - мин белмәнем. Яратам тип - һин

Яҙмыш микән беҙҙе осраштырҙы,
Юлдарыбыҙ кире киҫеште.
Күҙҙәребеҙ меңдәр араһынан
Бер-берҙәрен табып күреште.

Ҡушымта:
Мин барлығын һин белмәнең,  
һин барлығын мин белмәнем. 
Яратам тип  һин әйтмәнең,  
Мин дә һиңә  һөйәм тимәнем...

Үҙ юлыңдан ҡабат китеп барҙың,
Дауам иттем мин дә юлымды.
Һаубуллашҡан саҡта тоялманым,
Тоялманым хатта йылыңды.

Ҡушымта.

Ә йөрәктә ниҙер тороп ҡалды - 
Һүнмәҫ осҡон, яныр ут микән.
Осрашырға һин дә теләмәнең,
Осрашырбыҙ микән, юҡ микән?

Ҡушымта.