На реках Вавилонских, тамо седохом и плакахом, внегда помянути нам Сиона. Аллилу

На реках Вавилонских, тамо седохом и плакахом, внегда помянути нам Сиона. Аллилуйя!
На вербиих посреде его обесихом орг`аны нашя. Аллилуйя!
Яко тамо вопросиша ны пленшии нас о словесех песней и ведшии нас о пении: воспойте нам от песней Сионских. Аллилуйя!
Како воспоем песнь Господню на земли чуждей? Аллилуйя!
Аще забуду тебе, Иерусалиме, забвена буди десница моя. Аллилуйя!
Прильпни язык мой гортани моему, аще не помяну тебе, аще не предложу Иерусалима, яко в начале веселия моего. Аллилуйя!
Помяни, Господи, сыны Едомския, в день Иерусалимль глаголющыя: истощайте, истощайте до оснований его. Аллилуйя!
Дщи Вавилоня окаянная, блажен иже воздаст тебе воздаяние твое, еже воздала еси нам. Аллилуйя!
Блажен иже имет и разбиет младенцы Твоя о камень. Аллилуйя!