Ĕмĕт

Çутă кĕмĕл уйăх пек манăн кулаясчĕ
Хăмăр пĕлĕт хушшипе шуса çуталасчĕ
Лăпкă тăрă ирсенче çăл патне тухасчĕ
Унăн тĕкĕрĕ çинче сан сăнна курасчĕ.

Шурă юр пĕрчи пулса манăн вĕлкĕшесчĕ
Савни куç харши çине ларса ирĕлесчĕ
Вĕри куççулĕ пулса юр çине ÿкесчĕ
Чĕлтĕрви(?) чечек пулса шăтса тухаясчĕ.

Сывлăм ÿкнĕ улăхра савнине курасчĕ
Утă çулнă вăхăтра юнашар утасчĕ
Чечек евĕр пикене ăшшăн ыталасчĕ
Пуçăмри шухăшсене каласа парасчĕ.