Каштан терекле

музыка Альберта Узденова
стихи Хусея Джаубаева

Каштан терекни салкъын тюбюнде
Тюбешиб къалыб орамда,
Келбетли джайны байрым кюнюнде
Этгенем санга накъырда.

Андан сора уа энчи ёзюм да
Айтылыб сенге алайда,
Накъырда сёзден уллу сезим да 
Туугъанед бизге алайда.

Энди уа джазыуу эки сюйгенни,
Айырды талай заманнга,
Джюрегим талпыб, билдир дегенни 
Айтама джырда мен санга.

Къыйналмай сакъла: каштан терекни
Джазгъыда энтда чагъарла,
Сюймеклик джолда, таза джюрекле 
Бир-бирин энтда табарла.