Калыханка для дарослых

"Калыханка для дарослых"
(муз. З. Вайцюшкевіча, верш М. Анемадыстава)

Am___________Dm
Ці помніш ты, як прабівала
Am___________Dm
Трава маладая панцыр асфальту?
Ці помніш ты, як выглядала
C_____________G
Новае неба над новай краінай?
Ці памятаеш? Ці памятаю?
Am_____________G
Цішэй, калі ласка, я засынаю...

Ці помніш ты, як у паветры
Пахла вясною ды ветрам свабоды?
Ці помніш ты, якой была моцнай
Падвойная кава, што нас ратавала?

Ці помніш ты начныя вандроўкі
Па стомленай цішы вуліц бязьлюдных?
Ці помніш ты, як несьлі глупоту
І шэптам казалі розныя бздуры?

F______________G
Ці помніш ты, як потым дадому
F________________G
Вярталіся ранкам а пятай гадзіне?
Ці помніш ты, як мала мы спалі?
C_______________G
Ці помніш ты, як шмат мы прысьнілі?
Ці памятаеш? Ці памятаю?
Цішэй, калі ласка, я засынаю...