Ахыр письмо

Мен сенден кенгде къалгъанма анам 
Алай болур эд джазыум 
Ахыр письмома къалай сыйынсын 
Сангады джюрек джарсыум 

Бетинге къараб мен ант этгенем 
Душманнга таджау тюберге 
Саутум къолдан тюшмейди джерге 
Барса да аджал биргеме 

Юй мюйюшюнде джангыз олтуруб 
Джылама мени эскере 
Ата Джурт ючюн кёбле ёлелле 
Ана табылмайд аскерде 

Картымы алыб эсге тюшюре 
Намыслы ёлген джашым де 
Уллу Хорламны байрагъын алыб 
Тенглерим келирле элге 

Мен сенден кенгде къалгъанма анам 
Алай болур эд джазыум 
Ахыр письмома къалай сыйынсын 
Сангады джюрек джарсыуум