Анам

Музыка Халита Хатуева, стихи Азамата Суюнчева.

Джокъдан бюртюк бар этиб,
Бауурунгда кёлтюрюб,
Бизни ёсдюрдюнг, ой анам,
Акъ сютюнгю ичириб.

Припев:
Суу агъачынг бойнунгда,
Сени урчугъунг къолунгда,
Кёзюнг къыймай сен бизни
Тюшюрюрге къойнунгдан.

Халибизге къайгъырыб,
Сескеклениб, сакъ болуб,
Бизни ючюн, ой анам,
Къара чачынг акъ болуб.

Припев.

Заман чабыб, ой анам,
Биз да сюрюб, джеталмай,
Джашау кетиб барады,
Сени разы эталмай.

Припев.

Мен сен берген къаламны
Къолгъа эртде алгъанма.
Бюгюнге дери сенге, анам,
Нек джыр джазмай тургъанма?

Припев.