Онотма

Текст: Нурислам Айбулатов

Бергә була алмаһаң да
Һөйгәнеңә үкенмә.
Бәлки ул да бик һөйгәндер,
Аңла, бер ни үтенмә.

Бәлки кәртәләр торғандыр
Үтеп сыға алмаҫлыҡ.
Хыялдар бик ҙур булғандыр
Ҡолас етә алмаҫлыҡ.

Онотма, бәхет килтергән
Һөйөшөү миҙгелдәрен.
Ниңә бындай яратыу, тип,
Һыҙмаһын күңелдәрең.

Һөйөү-һөйөлөү – оло бәхет,
Мөхәббәт шунан тора.
Уның татлы минуттары
Йылдарҙы алыштыра.

Бәлки кәртәләр торғандыр
Үтеп сыға алмаҫлыҡ.
Хыялдар бик ҙур булғандыр
Ҡолас етә алмаҫлыҡ.