Жазығым не?

ЖАЗЫҒЫМ НЕ?

Әнi: Гауһар Әлiмбекова.
Өлеңi: Сабырхан Асанов.

1. Жазығым не, өзiңдi сүйгенiм бе?
Сүйгенiм бе, отыңа күйгенiм бе?
Жүрегiңнiң жұрт ұқпас сырын ұғып,   2 рет
Ешкiмге айтпай iшiме түйгенiм бе?

Қайырмасы:

Жазығым не, менi әлi түсiнбеймiн,
Бар ма әлде жазған бiр iсiм деймiн.
өзiң — жұмбақ, шеше алмай мен де — жұмбақ, 2 рет
өтiп жатыр бұлдырап түсiмдей күн.

2. Жазығым не, айтқанда бұлақ әнiн,
Күлгенiн айыра алмай, жылағанын.
Бар дүниенi ұмытып сенен басқа,   2 рет
Қалжырап кеп қасыңа құлағаным...

3. Күндер өтер жарқырап таң атқанда,
Бiтедi-ау бұл азапты сағаттар да.
Күнмен бiрге келер-ау қалқам менiң,    2 рет
Бiрақ соны тосуға тағат бар ма?