Эй гузель Къырым

Алуштадан эскен ельлер
Юзюме урды...
Балалыкътан оскен ерге
Козьяшим тюшти.

БАГЪЛАМА:

Мен бу ерде яшалмадым,
Яшлыгъыма тоялмадым.
Ветаныма асрет олдым
Эй,гузель Къырым!

Багъчаларнынъ мейвалары
Бал иле шербет.
Сувларыны иче-иче
Тоялмадым мен.

БАГЪЛАМА:

Ешиль дагълар кульди манъа,
Кайтып кельди татар санъа.
Къучагъынъны ач,сен,манъа
Эй гузель Къырым!