Тормышлар да әле бер үзгәрер

Тормышлар да әле бер үзгәрер
Яралар да барбер бер төзәлер
Гомер туктап тормый алга чаба
Еллар үз эзләрен салып бара.

кушымта:
Алмаштырыр язлар ак кышларны
Алыпкайтыр җиргә аккошларны
Күңелләрдән куып сагышларны
Үзгәртергә теләп язмышларны

Сагышларны шатлык алыштырыр
Ялгызларны вакыт кавыштырыр
Көзләр үтә инде дип уйлама
Тик моңайма гына син моңайма

Өмет йолдызлары атылмасын
Бәхет савытлары ватылмасын
Якыннарга назлы сүзләр дәшеп
Яшәү ямен,тәмен белеп яшик.